SAKASTHE - Panuluyan 2013 (Ikaanim na Tagpo)

IKAANIM NA TAGPO

Lights On. Naghuhugas ng Plato si Aling Dolores. Darating si Mang Vick galling sa Paaralan.

Aling Dolores: Oh Vick.

Mang Vick: Ibababa ang mga dala. At sabay uupo sa Sofa. Yung mga teacher ko talaga, hindi matanggap yung kasabayan nilang nag file ng promotion na naunang na promote sa kanila. Porke daw may kapit sa taas. Mapromote man si Sir Pelaez, wala na kaming magagawa dun. Kagustuhan ng Region yun at tsaka kumpleto naman ang promotion papers niya. Bakit hindi sila magsikap para mapromote din sila.

Aling Dolores: Nagtataka ka pa eh talaga namang ganyan ang mga Pinoy. Tingnan mo, hindi pa rin umaasenso ang bansa dahil sa ugaling Crab Mentality. Kapag nakikitang umaangat ang isa, siya namang hihilahin pababa. Dapat nga maging inspirasyon pa nila eh hindi eh mas masahol pa ang ginagawa.

Darating naman ang magkapatid na Cheska at Nicky.

Cheska: Lagot ka kay tatay Nicky!

Nicky: Kahit na, ang takot ko ay!

Cheska: Si Nicky pot ay nakipagsabunutan kanina sa kaklase niya.

Mang Vick: Nicky, totoo bay un?

Nicky: Opo tatay!

Mang Vick: Bakit naman nakipagsabunutan ka Nicky?

Cheska: Sabi po nung isa niyang kaklase, sinira daw niya yung piniling drawing ng titser nila kaya ayun nagalit sa kanya tapos nagsabunutan na sila. Nagbitaw ng hindi magandang salita itong isa kaya sinabunutan agad ni Nicky.

Mang Vick: Aba naman Nicky, ikaw na nga itong may kasalanan, ikaw pa itong nangunang makipag-away. Naiinggit ka ba dahil nanalo ang sa isa mong kaklase kaya mo sinira. Ang inggit nay an ay hindi nalalayo sa kasakiman ‘pagkat ditto’y iniisip natin na sana nasa atin ay mga bagay na nasa kanila o di naman nasa atin at wala sa kanila. Kaya ‘pag ito’y lalong ginatungan at naglalagadlab sa ating sarili nagiging mapangwasak ito sa iba. Kilalanin natin ang kagalingan ng iba matuwa tayo pagka’t sila’y nasa maayos na kalagayan. Bukod pa rito tanggapin natin kung anong meron tayo kung gusto nating magkaroon ng ganoong bagay pagsikapin natin na makuha ito sa mabuting paraan. Pumarito ka nga ditto sa tabi ko. Sa bagong tipan ng Biblia, ano yung unang sitwasyon na naglalahad ng pagkainggit sa humantong sa planong pagpatay?

Cheska: Ano po yun tay?

[Narration—voice over, lights off]

Lights on.

Si Haring Herodes, nakaupo sa kanyang trono. Lalapit ang isang kawal.

Kawal: Mahal na Haring Herodes natagpuan na raw ang tatlong haring pantas. Nasa labas na sila ng palasyo.

Haring Herodes: mabuti patutluyin sila at dalhin sa harap ko.

Aalis ang kawal at patutuluyin ang tatlong Hari.

Tatlong Hari: (luluhod sa harapan) Paggalang ang bati naming sa iyo’y kataas-taasan sa kahariang ito, Haring Herodes.

Haring Herodes: Ikinagagalak ko ang pagdalaw ninyo sa kaharian ko. Nabalitaan ko ang paghahanap nyo sa dakilang sanggol na isisilang ditto sa Judea.

Haring Baltazar: Tunay nga na kami’y naghahanap ng isang dakilang sanggol ditto sa lugar na nasasakupan mo. Marahil siya ay isinilang na.

Haring Melchor: Ang Anghel ng Panginoong Diyos ay nagpapakita sa aming mga panaginip at ibinalita sa amin ang tungkol sa pagsilang niya. Ayon sa mga hula at kasulatan, ang lugar ay nakasulat sa nasasakupan mo.

Haring Gaspar: Nakapagtatakang kaming tatlo ay pinagtagpo sa paghahanap. Narito kami ngayon upang magpugay sa sanggol na Mesiyas na mula sa lahi ni David, taglay ang mahahalagang kayamanan na aming handog sa kanya.

Haring Herodes: Aha! Ganun ba. Magandang balita yan at ikinagagalak ko na malaman mula sa inyo. Kung ganun, Malaya kayong makapaghahanap sa nasasakupan ng kaharian ko. Kapag natagpuan niyo sya, agad niyong ipagbigay alam sa akin ng makapagpugay din namamn ako at makapagbigay ng aking natatanging handog sa Mesiyas.

Sabay-sabay ang tatlo: Masusunod Kamahalan!

Lilisan ang tatlong Hari. Magiisip si Herodes.

Haring Herodes: Hinahanap nila ang Sanggool na isisilang ditto sa aking nasasakupan ang Mesiyas ang dakilang Hari ng Israel na nasasaad sa mga hula at kasulatan. Oo, sa kanyang paglaki Siya ang aagaw sa kaharian ko. Tama, kapag nagbalik sila at ipinaalam sa akin ang kinaroroonan ng sanggol, madali ko nang maipapapatay Siya. Hahahaha.....!!! Walang makakaagaw sa kaharian kong ito, wala! Hahahahah,,,...!!!!

(Voice over)

Lights Off.